“Unë sot jam shumë e emocionuar sepse mbaj veshur këtë bluzë të Çamërisë edhe pse jam nga Puka”.
Kështu u shpreh 19-vjeçarja Greta Topjana në fjalën që mbajti sot para të rinjve të PDIU në sheshin “Nenë Tereza”.
Një dëshmi e qartë e kauzës së Partisë Drejtësi, Integrim dhe Unitet ishte kjo deklaratë emocionale e Topjanës.
“ Veç një atdhe” është slogani i kësaj force që lindi për kauzën çame, por që në themel ka atdheun, pasi kjo plagë e hapur e Shqipërisë mund të kurohet vetëm nëse duam vendin tonë, pavarësisht se në cilin qytet kemi lindur.
Më tej 19-vjeçarja i bëri thirrje brezit të saj që të mos qëndrojnë indiferentë ndaj politikës e të mos e braktisin vendin e tyre.
“Ky vend nuk duhet të braktiset nga ne por duhet të pëfaqësohemi për të mbajtur identitetin tonë”, tha ajo duke u bërë thirrje të rinjve të votojnë numrin 13 me 25 qershor.
“Jam në PDIU jo vetëm për t’i dhënë forcë dhe energji të re për të çuar para kauza të mëdha, kauza për Shqipërinë. Edhe ju para 26 vitesh e nisët rrugën politike si të rinj, studentë në grevën e urisë sepse mbronit një kauzë, të ardhmen e Shqipërisë.
Ndaj edhe sot unë jam shumë krenare që së bashku me të rinjtë do të mbrojmë kauza të mëdha, çështjen e shqiptarëve të Çamërisë dhe të ardhmen e të gjithë shqiptarëve.
Ky vend nuk duhet të braktiset nga ne por duhet të pëfaqësohemi për të mbajtur identitetin tonë. Unë sot jam shumë e emocionuar sepse mbaj veshur këtë bluzë të Çamërisë edhe pse jam nga Puka.
Çamëria dhe Kosova janë dy pjesët kryesore që mbajnë sot Shqipërinë e madhe.
Ju bëj thirrje të gjithë të rinjve që të jenë pjesë e politikës, të gjithë të rinjve që kanë zemër e shpirt shqiptari të bashkohen me ne me 25 qershor. Ju ftoj që me 25 qershor të bëni zgjedhjen e duhur, të votoni numrin 13 sepse ne kemi “Veç një atdhe” ne nuk e shesim vendin tone”, tha Topjana.
