Kombet e Bashkuara kanë njoftuar sot se njëmbëdhjetë njerëz kanë vdekur si pasojë e përmbytjeve në Nigeri dhe 30 mijë të tjerë kanë mbetur pa shtëpi për shkak të shirave të rrëmbyeshëm.
Rajonet më të ndikuara janë në zonat e shkretëtirës: në Tahoua në perëndim, ku 7 persona humbën jetën dhe rreth 5,300 mbetën pa shtëpi, si dhe Agadez në veri, ku humbën jetën tre persona dhe mbi 18 mijë të tjerë mbetën pa shtëpi.
Në këto dy zona, moti i trazuar ka marrë jetën e rreth 20 mijë lopëve, deleve, dhive dhe deveve, meqënëse qindra hektarë tokë janë shkatërruar, sipas autoriteteve lokale.
