Kryeministri i Kosovës, Ramush Haradinaj, ka folur sot lidhur me rritjen e taksës së doganës për mallrat serbe në vlerë 100%, ku ka treguar sesi kjo mund të hiqet si masë.
Ai shprehet se një gjë e tillë do të ndodhë vetëm pasi të njihet pavarësia e Kosovës.
Këtë deklaratë kryeministri i Kosovës, Ramush Haradinaj e bëri pas takimit që zhvilloi me Komisioneri për Politika Evropiane të Fqinjësisë dhe Negociata të Zgjerimit, Johaness Hahn.
“Nëse Qeveria e Kosovës ka informata se ka ndonjë krizë të ndonjë produkt vital, ne jemi në gjendje t’i furnizojmë. Spitalet apo ambulancat, nuk do të ju mungojnë ilaçet, për të gjithë. Do të respektojmë vendimin e Qeverisë, dhe ky vendim mund të anulohet me rastin e njohjes së Pavarësisë së Kosovës nga Serbia. Ne do punojnë që tani për një marrëveshje gjithëpërfshirëse, për borxhet, të zhdukurit, të drejtat e komunitetit serb në Kosovë e plotë tema tjera e një nga to do të jetë edhe tregtia e lirë mes Kosovës dhe Serbisë”, tha ai, duke shtuar se ka shpresë që çështja e vizave për Kosovën do të futet në agjendën e Këshillit të BE-së.
