Kolumbia do të shpenzojë një shtesë prej 4.5 trilionë Pesos ose 1.42 miliardë dollarësh, në arsimin e lartë publik, gjatë mandatit katërvjeçar të presidentit Ivan Duque, vendim ky që erdhi si pasojë e një greve të studentëve, që protestojnë për mungesën e kushteve, prej rreth 10 javësh.
Protestuesit, studentë nga 32 universitete publike janë ndeshur vazhdimisht me policinë gjatë marshimeve mbarëkombëtare, duke rënduar e bllokuar trafikun dhe transportin publik në qytete anembanë vendit.
Duque mori detyrën në gusht duke u zotuar për të përmirësuar arsimin e lartë, por qeveria ka thënë se ajo përballet me një mungesë të programeve sociale dhe financimit në buxhetin e vitit të ardhshëm.
Shpenzimet e arsimit zënë 16 përqind, ose rreth 13 miliard dollarë, nga buxheti i përgjithshëm kombëtar për 2019.
