Banorët e zonës së “Unazës së Re” kanë protestuar para Prokurorisë së Tiranë duke kërkuar nga kjo e fundit të hetojë projektin që u prishi atyre shtëpitë.
Mësohet se banorët janë të shoqëruar edhe nga ish-deputetë të opozitës, të cilët i janë bashkuar protestës.
Banorët e “Unazës së Re” i bëjnë thirrje organit të akuzës të nisë menjëherë hetimet për projektin në fjalë, pasi dyshohet se është korruptiv. Pasi bllokuan rrugën, policia ka paralajmëruar banorët të lirojnë rrugën.
10 ditë më parë, IKMT-ja shembi 33 banesa te Astiri. Pas përplasjeve të ashpra, IKMT-ja arriti të shemte banesat duke i hapur rrugë projektit të ndërtimit të mbikalimit.
