Ka than' i moçmi: 

Njeriu i lig i ngjan thesit të qymyrit: jashtë i zi, brenda akoma më i zi”.

                          -Sami Frashëri

Ti je një injorant

Nga 27-shi 0

Nga Ermira Bicaj

Dhe e përsëris: Ti je kokrra e injorantit. E kam me ty që këto ndërgjegjësimet  kundër dhunës ndaj gruas të duken budallallëqe. E kam me ty që nuk dite kurrë t’iu japësh rrugëzgjidhje problemeve familjare pa qëlluar fatzezën, tët shoqe.

Ti je një injorant, sepse nuk di ç’do të thotë familje e shëndetshme, ç’do të thotë harmoni familjare, nuk e di ç’do të thotë gjendje e rënduar psikologjike e fëmijës dhe ç’ndikim ka kjo në të ardhmen e tij.

Ti je injorant, që turpëron prindërit që të kanë rritur, ose ndoshta pasqyron sjelljet e tyre ndaj njëri-tjetrit, por prapë, injorant mbetesh.

Ti meriton të kalbesh pas hekurave, e meriton vërtetë, sepse liria është për ata që dinë ta vlerësojnë tek vetja dhe të tjerët. Po nga ta dish ti ç’është e mira e tjetrit;

Ti injorant je.

Sa herë që vë dorë mbi fatzezën, tët shoqe, ti meriton të të vihet emri në çdo cep të qytetit a fshatit, ku jeton me mbiemrin “injoranti”, që të të mbushet mendja një herë e mirë se ato veprime që bën nuk janë burrërore, nuk janë lavdëruese, nuk të japin reputacion të mirë, nuk të thotë njeri “të lumtë”.

E në qoftë se është dikush që ta thotë, me siguri janë ata shokët e tu që kanë të njëjtën sjellje me gratë e tyre.

Ti je fatkeqsia më e madhe e shoqërisë njerëzore e nuk ke shpëtim, o mjeran! Jo se nuk ka shpëtim për ty, po se ti nuk do.

Dhe e di pse ndosh kjo? Sepse je injorant. Pikë!

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej