Ka than' i moçmi: 

“Shqiptari e ka zakon që kundështon para se të marrë vesh".

                          -Faik Konica

Ngjarja në ish Bllok, arrestohet pronari i lokalit, Redi Popesku

Nga Klodiana 0

Policia e Shtetit ka vënë në pranga mbrëmjen e djeshme Redi Popeskun, pronarin e barit në ish Bllok, ku ndodhi edhe përplasja e rëndë me armë, në të cilën mbetën të vrarë Fabiol Gaxha, bodiguard i Ervis Martinajt, si dhe u plagos ky i fundit, bashkë me shtetasin Eljon Hate.

Popesku ishte i pranishëm gjatë përplasjes me armë në ambientet e lokalit në pronësi të tij dhe u shoqërua në polici për t’u marrë në pyetje dhe për të dhënë versionin e tij të ngjarjes.

Megjithatë mbrëmjen e djeshme ai kë përfunduar në pranga, pasi këtë herë akuzohet për prishje të provave dhe dëshmi të rreme, me qëllim fshehjen e ngjarjes.

Më datë 4 Tetor, në barin e Redi Popeskut në ish Bllok ndodhi një përplasje me armë, ku pjesëtari i Forcave Komando, Mervjol Billo qëlloi dhe vrau shtetasin Fabjol Gaxha, si dhe plagosi Ervis Martinajn, një emër i njohur për policinë, dhe Eljon Haten.

Policia ka ngritur pista të shumta hetimi, për të zbardhur këtë ngjarje, ndërsa aktualisht ka arrestuar shtetasit Ervis Martinaj dhe Eljon Hate, ndërsa ka shpallur në kërkim komandon Mervjol Billo dhe Ervin Matën.

 

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithësej