Ka than' i moçmi: 

“Shqiptarët nuk ndahen në të krishterë e në muhamedanë, po ndahen në dy anë: Ana e kombëtarëve, në të cilën ka shqiptarë nga të gjitha besimet, dhe ana e zuzarëve”.

                                    -Faik Konica

KE: Shqipëria të ulë borxhin!

Nga Klodiana 0

Komisioni Europian këshillon qeverinë shqiptare të vazhdojë politikën e uljes së borxhit publik dhe kredive të këqija duke përfituar nga momenti pozitiv i ekonomisë.

Në vlerësimin e fundit për ekonomitë e vendeve kandidate, komisioni vëren se rritja ekonomike e Shqipërisë u përshpejtua më tej në gjysmën e parë të këtij viti, e mbështetur nga investimet e huaja dhe rritja e konsumit të brendshëm.

Ekonomia shqiptare u rrit me 4.4% në tremujorin e parë të vitit 2018. Kjo përbën rritjen 3mujore më të lartë në tre vjet e gjysmë.

Sipas Komisionit, të gjithë përbërësit e kërkesës së brendshme kanë kontribuar pozitivisht në rritjen ekonomike, por efektin më të madh e kanë dhënë zgjerimi i konsumit privat dhe investimet e biznesit.

Konsumi privat ruajti rritjen solide prej 3%, i mbështetur nga zgjerimi i punësimit dhe rritja e rrogave, veçanërisht në sektorin publik.

Sipas komisionit, rimëkëmbja e ekonomisë është shoqëruar me rritje të punësimit, veçanërisht në sektorin privat jobujqësor, ku numri i të punësuarve u rrit me 12.2% krahasuar me një vit më parë. Por ky përmirësim i situatës ekonomike, sipas komisionit, duhet të shfrytëzohet nga qeveria për të ulur më shpejt borxhin e lartë publik dhe kreditë e këqija, dy tregues problematikë për Shqipërinë.

Shqipëria e ka të nevojshme të vazhdojë konsolidimin fiskal. Edhe pse borxhi publik u ul në 69% të prodhimit kombëtar, ky mbetet një nivel shumë i lartë.

Për gjithë vitin 2018 Komisioni Europian vlerëson se ekonomia shqiptare do të rritet me 3.6%, ndërsa për vitin e ardhshëm parashikohet që rritja të arrijë në 3.9%.

/Top Channel

Loading...

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>

Ky sajt përdor Akismet-in për të pakësuar numrin e mesazheve të padëshiruara. Mësoni se si përpunohen të dhënat e komentit tuaj.

gjithsej