Ka than' i moçmi: 

"Shqiptarët tregojnë çka s'duhet, e fshehin atë çka e di e tërë bota."

- At Gjergj Fishta   

Depresioni, dy vetëvrasje në Fllakë të Durrësit

Nga Rexhina Biba 0

Dy persona kanë vrarë veten ditën e djeshme në fshatin Fllakë  të Durrësit.

Në të dyja rastet është konstatuar depresioni dhe gjendja e rënduar psikologjike, por mbeten ende të panjohura arsyet që i çuan drejtë aktit fatal.

46-vjeçarja Fiqirete Çeku, e cila mbërriti e vdekur në spital, u gjet e vetëvarur nga familjarët në kasollen pranë banesës. Nga hetimet rezulton se gruaja kishte probleme shëndetësore dhe një gjendje të rënduar psikologjike kohët e fundit, por ende nuk ka një shkak të ditur që ta ketë shtyrë atë drejt aktit fatal.

Pak orë më vonë ka ndërruar jetë në spitalin “Nënë Tereza” në Tiranë dhe i riu Destan Dema, i cili vuante nga një formë e rënduar e depresionit dhe prej dy muajsh kurohej. 26-vjeçari ishte vetëhelmuar duke gëlltitur 3 kokrra fostoksinë në shtëpinë e tij.

Burime të policisë vendore bëjnë të ditur se viktimat nuk kanë pasur lidhje me njëri-tjetrin, përpos faktit që kanë qenë banorë të Fllakës.

 

Lini një koment

Adresa juaj e Email-it nuk do të bëhet publike

Mund të përdorni HTML tags dhe atributet: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <s> <strike> <strong>