Futbollisti i Kombëtares Shqiptare Jahmir Hyka bëhet zyrtarisht me ekip të ri.
Lojtari i kombëtares kuqezi, ka firmosur ditën e sotme me ekipin e Makabi Netanias në Izrael.
Kontrata është nënshkruar për një periudhë prej një viti e gjysme me skuadrën izraelite.
30-vjeçari do të gjejë në ekipin e ri edhe shqiptarin nga Mali i Zi, Fatos Beqirajn.
Makabi Netania, aktualisht renditet në vendin e pestë, në kuotën e 29 pikëve, vetëm dy pikë pas vendit të dytë.
Klubi ka si synim kryesor arritjen e kupave të Europës dhe pritshmëritë e tyre duket se janë të larta tek futbollisti shqiptar Jahmir Hyka, i cili mund t’ju japë një dorë për të përmbushur objektivin.
