Sipas një njoftimi të Shtëpisë së Bardhë, Presidenti Trump takohet të premten me Kryeministrin e Kosovës, Avdullah Hoti dhe Presidentin e Serbisë, Aleksandër Vuçiç të premten në mëngjes, merr pjesë në një ceremoni nënshkrimi me ta, si edhe në një takim trepalësh.
Sipas njoftimit, Trump do të jetë pjesë e takimit në momentin e nënshkrimit të marrëveshjes paradite, si dhe do të mbajë më pas një takim trilateral me kryeministrin e Kosovës, Avdullah Hoti dhe presidentin e Serbisë, Aleksandër Vuçiç.
Takimi do të jetë privat mes Trump, Hotit e Vuçiçit. Njoftimi nuk përcakton çfarë marrëveshje do të nënshkruhet, por palët bënë të ditur dje se bëhet fjalë për marrëveshje ekonomike.
Takimi mes palës kosovare dhe asaj serbe nisi dje në Shtëpinë e Bardhë. Në takimin e djeshëm mori pjesë edhe vajza e presidentit amerikan, Ivanka Trump.
Praninë e saj e konfirmoi në një deklaratë për mediat edhe presidenti serb, Aleksandër Vuçiç, i cili tha se folën për çështje të rëndësishme. /VOA
