Një ngjarje e rëndë ka ndodhur në Zvicër, ku një burrë 50-vjeçar ka therur me një mjet të mprehtë bashkëshorten e tij 45-vjeçare. Bashkëshorti i saj është arrestuar pa bërë rezistencë.
Policia Kantonale e Cyrihut njofton se tre fëmijët e moshës adoleshente kanë qenë të pranishëm kur ka ndodhur krimi. Fëmijët janë marrë nën përkujdesjen e një ekipi kujdestar.
Ende është e paqartë se si ka ndodhur krimi gjegjësisht nuk dihet arsyeja e përshkallëzimit të konfliktit në mes të çiftit. Por, ajo që dihet është se bashkëshorti nuk ka qenë i njohur më parë nga policia për ushtrim dhune familjare.
