Policia e Elbasanit ka arrestuar një 38 vjeçar të dyshuar për djegien e disa automjeteve në qytet.
Gjatë operacionit të koduar “Zjarrvënësi”, u arrestua shtetasi Mario Toci, 38 vjeç, pasi gjatë natës në lagjen ” 5 Maji”, dyshohet se ka djegur me zjarr dy automjete.
Nga veprimet hetimore të kryera rezultoi se shtetasi i mësipërm dyshohet të jetë autor për veprat e mëposhtme:
- Më datë 12.02.2019, në lagjen “Aqif Pasha”, Elbasan, dyshohet se ka djegur mjetin i cili ishte i parkuar.
- Më datë 14.02.2019, në lagjen “Visarion Xhuvani”, Elbasan, dyshohet se ka djegur mjetin i cili ishte i parkuar.
- Më datë 09.04.2019, në lagjen “Aqif Pasha”, Elbasan, dyshohet se ky shtetas ka tentuar të djeg një mjet .
- Më datë 10.08.2018, në lagjen “Brigada 17 Sulmuese”, Elbasan, ka djegur mjetin i cili ishte i parkuar para banesës.
- Më datë 21.11.2018, në lagjen “Partizani”, Elbasan, dyshohet se ka djegur pjesërisht mjeti i cili ishte i parkuar në rrugë.
- Më datë 19.12.2018, në lagjen “Beqir Dardha” , Elbasan, dyshohet se ka djegur mjetin i cili ishte i parkuar para banesës.
