Policia ka publikuar detajet mbi zjarrin në spitalin e Durrësit, i cili përfshiu katër kate gjatë orëve të para të ditës së sotme.
Bëhet me dije se nga zjarri janë asfiksuar pesë të sëmurë, të cilët janë nisur me urgjencë në Tiranë, ndërsa të tjerët u nxorrën nga pavijonet e prekura duke u çuar në pavijone të tjera. Zjarri ka rënë në katin e parë dhe është shpërndarë në katet e tjera duke djegur katër kate.
Njoftimi i policisë
Më datë 11.01.2020, në orën 00:25, në repartin e ortopedisë në spitalin e Durrësit, ka rënë zjarr, i cili ka përfshirë kabinat elektrike të pavijonit.
Menjëherë kanë shkuar forcat e Policisë dhe zjarrfikësit.
Shërbimet e Policisë, zjarrfikësit dhe personeli kanë bërë të mundur evakuimin e të gjithë pacientëve nga të katër katet e pavijonit duke i transferuar në një pavijon tjetër.
