Një zjarr i përmasave të mëdha ka përfshirë fshatin Çiflik në Berat. Bëhet me dije se një fermer i vuri zjarrin tokës për të djegur ferrat, por flakët të favorizuara nga era i kanë dalë jashtë kontrollit dhe kanë përfshirë një parcelë me ullishte aty pranë. Bëhet me dije se janë djegur deri më tani 100 m katrorë ullinj. Ndërsa në vendngjarje kanë mbërritur zjarrfikëset të cilat kanë mundur të vënë në kontroll flakët dhe të shpëtojnë pjesën tjetër të plantacionit me ullinj.
Shpesh fermerët në përpjekje për të pastruar tokat janë bërë shkaktar të zjarreve të mëdha që në shumë raste kanë rrezikuar edhe zonat e banuara.
