Mbrëmjen e sotme ka shpërthyer një vatër zjarri në Novoselë. Vatra e madhe është aktivizuar pranë autostradës në Vlorë. Në vendin e ngjarjes kanë mbërritur dy zjarrfikëse dhe po luftojnë me flakët. Nuk dihet ende se si janë aktivizuar flakët, nëse bëhet fjalë për zjarr të qëllimshëm apo jo.
Shtatë efektivë po punojnë për shuarjen e tij. Siç duket edhe në pamje, flakët janë përhapur në një sipërfaqe të madhe me shkurre dhe po punohet ende për shuarjen e tyre
Gjithashtu, kujtojmë se ditët e fundit Shqipëria është përfshirë sërish nga flakët. Vatra të ndryshme zjarri janë aktivizuar në Shkodër, Elbasan, Vlorë dhe Fushë Krujë. Ndërhyrje nga ajri ka pasur vetëm në Bukmirë.
