Nga Dritan Shano
Zjarr fikësi fik zjarrin; bukë pjekësi pjek bukën ….
Nëse fillojmë përgëzojmë dikënd që e paguajmë me rrogë pse bëri detyrën dhe respektoi ligjet, atëhere duam të themi hapur, pa nënkuptime, se normaliteti, ajo që ne presim, (dhe pse jo, ëndërrojmë) është moskryerja e detyrës, shkelja e ligjeve… Ne vijmë nga një kulturë kombëtare tek e cila Partia (banda) ishte mbi ligjet, dhe ky enthuziazëm, ky gëzim i madh për kryerjen e detyrës nga Presidenti, pra kthimin e ligjit të posaçëm anti-kushtetues, anti-ligjor anti-shoqëri që miratoi Ali-qeveria me 74 deputetë, tregon se me ç’duket ende nuk jemi larguar prej saj. Kështu, ndryshimi i vetëm prej atëhere, duket të jetë fakti që prej 27 vjetësh kemi një Ambasadë Amerikane dhe një Angleze në Tiranë.
