Në prag të sfidës kundër Bajern Mynihut që do të zhvillohet në Hjuston, ditën e nesërme në orën 02:00 me orën shqiptare, Zinedin Zidan ka dalë në një konferencë për shtyp.
Gjatë konferencës tekniku preku disa tema që fliten kohët e fundit: “Faleminderit për mbështetjen të gjithë, për vdekjen e vëllait tim. Ne po punojmë shumë mirë, përgëzoj lojtarët për dëshirën që po tregojnë për të luajtur. Është hera e parë që luajmë në Hjuston, dhe duhet të bëjmë një ndeshje të mirë. Pogba? Klubi e di çfarë duam, dhe kemi kohë përpara. Tani ne jemi të përqendruar në ndeshjet që do zhvillojmë.”, u shpreh tekniku francez.
Gjithashtu ai nuk mund të largohej për të folur edhe për çështjen Bejl tek Reali: “Bejl nuk është një problem për ne. Ai ka një kontratë me klubin, dhe asgjë nuk ka ndryshuar me të që nga qershori. Hazard? Ai kishte nevojë për një klub si Real Madridi, ky klub ka diçka të veçantë dhe lojtarët këtë e dinë. Hazard është një lojtar vendimtar, ai shënon gola dhe ndryshon rrjedhën e ndeshjes, e ka treguar në karrierën e tij.”, mbylli intervistën Zidan.
/Panoramasport/
