Protesta e opozitës që po mbahej sot përpara Kuvendit, është zhvendosur në drejtim të kryeministrisë, ku pritet të qëndrojnë për disa minuta.
Në një prononcim për mediat, kryetarja e LSI-së u shpreh se të rinjtë kanë marrë në dorë protestën, dhe nuk do të lejojnë fyrjet e përditshme që iu bëhen nga ana e qeverisë Rama.
“Protestat nuk do të ndalojnë, 13 prill, 23 prill deri sa në Shqipëri të vendoset njëherë e mirë një sistem i vlerave dhe jo një sistem i antivlerave që ka ngritur Edi Rama. Sot është protesta e të rinjve, është protesta e studentëve. Mbasi dëgjuan pardje fjalimin e Paktit të Mashtrimit, Rama akoma nuk ka parë gjë akoma. Është e vërtet që jo vetëm nuk është plotësuar asnjë kërkesë e studentëve, por përkundrazi i kanë futur në një qerthull që e shton akoma dhe më shumë mungesën e funksionimit të universiteteve.”, tha Kryetarja e LSI-së.
https://www.facebook.com/partiademokratike/videos/368425863766075/
