Pas shkarkimit nga posti i kreut të Transporteve në Sarandë,i akuzuari për trafik droge është larguar nga banesa/ Familjarët: nuk e dimë ku është
Një ditë më parë policia greke kishte lëshuar urdhërarresti ndërkombëtar për Klement Balilin i dyshuar si drejtues i një organizate ndërkombëtare të trafikut të drogës. Por sot Klement Balili rezulton i zhdukur dhe fam,iljarët thonë se nuk kanë asnjë diejeni për vendndodhjen e tij
Gazeta “Panorama” ka kontaktuar me familjarët e ish-drejtorit të cilët thonë se nuk kanë mundur ta kontaktojnë që prej ditës së djeshme.
Dje në mëngjes, mësohet se Balili ka shkuar në punë ku ka paraqitur kërkesën për dorëheqje, kërkesë e cila nuk është pranuar dhe më pas ka ardhur shkresa për shkarkimin e tij nga detyra. Familjarë të Balilit, kanë treguar se ditën e djeshme ai është nisur për në Tiranë, por që prej atij momenti, ata nuk kanë mundur të kontaktojnë me të, deri sot që ende nuk dihet se ku ndodhet.
Shtypi grek ka shkruar për Balilin duke e cilësuar si ‘Escobari i Ballkanit’, që drejton organizatën kriminale të trafikut ndërkombëtar të drogës në vendet e Europës Qëndrore dhe në shtete nordike.
Greqia ka lëshuar urdhër-arresti ndërkombëtar për të, ndërsa në Shqipëri ka hetime ndaj tij, por nuk arrestohet. Për këtë arsye, Shqipëria i ka dërguar sot një letër-porosi Greqisë për urdhër-arrestin ndaj Klemend Balilin.
