Një person i identifikuar Shqipdon Alija, i lindur në vitin 1995, banues në fshatin Gadime e ulët, Lipjan është zhdukur që nga data 14 i këtij muaji.
Policia e Kosovës njofton se në koordinim me prokurorinë përkatëse dhe në bashkëpunim të ngushtë me familjarët, kanë ndërmarrë një varg veprimesh si:
- intervistime të personave që mund të ndihmojnë në gjetjen e vendndodhjes së personit,
- kontrollimin e hyrje-daljeve në të gjitha pikat kufitare,
- kërkime në zona që personi kishte frekuentuar zakonisht (ambiente të mbyllura dhe të hapura, përfshirë edhe vendet ku personi kishte punuar),
- analizimi i video-incizimeve të zonave të ndryshme,
- analizimi dhe hetimi i çdo lloj informacioni që lidhet me personin etj.
Ndërkohë që veprimet dhe kërkimet policore vazhdojnë, Policia kërkon ndihmë nga të gjithë për identifikimin e vendndodhjes së të riut, në linjën emergjente 192, apo në nr. 080019999.
