Agron Kapllanaj ka zyrtarizuar kandidaturën për Bashkinë e Mallakastrës. Ndërkohë kanë dalë dhe emrat e 4 kandidatëve të tjerë mbështetës të kreut të grupit parlamentar në PD Enkelejd Alibeaj, që do të garojnë në zgjedhjet vendore të 14 majit 2023.
Burimet bëjnë të ditur se Bilbil Bajraktari do të kandidojë në Kamëz, Sabah Sheta në Krujë, Sandër Marku në Lezhë dhe Naim Gazidede në Dibër.
Mësohet gjithashtu se grupi i Alibeajt po përgatit kandidatët edhe për në Kuçovë e Dimal, ndërkohë që në ditët e ardhshme do të ketë kandidatë edhe në disa bashki të tjera të vendit.
