Demokrati, Ibsen Elezi, ka reaguar në lidhje me situatën brenda PD dhe për procesin e zgjedhjes së kryetarit të ri. Përmes një postimi në rrjetin social Facebook ai kërkon stopimin e këtij procesi duke e quajtur atë garë pa primare. Elezi jep 5 arsye që sipas tij duhet të ndalojnë këtë proces. Elezi mendon se gara është pa primare dhe e zhvilluar në kundërshtim me vendimet e Kuvendit të datës 11 Dhejtor. Ai thotë se gara 15 ditore për të realizuar takime në 80 degë është e shkurtër. Elezi shton se Kuvendi i 11 Dhjetorit e ka vendosur që listat duhet të saktësohen nga seksionet dhe degët, veprim ky që sipas tij nuk është kryer. Një pikë tjetër e tij, thotë se Berisha po sillet sikur të jetë kryetar i PD ndërkohë që është akoma anëtar i këshillit. Po ashtu, Elezi kërkon shkarkimin e komisionit me kryetare Albana Vokshin, pasi thotë se është shembull i zi i manipulimit të votave.
“Së pari është shpallur një garë pa primare ne kundërshtim me vendimet se Kuvendit të datës 11 dhjetor. Së dyti gara 15 ditore për te realizuar takime në rreth 80 dege është shume e shkurtër. Se treti kuvendi i 11 dhjetorit vendosi që listat duhet të saktësohen nga seksionet dhe degët gjë, e cila nuk është realizuar akoma që prej 4 muajsh, dhe ky proces nuk mund te realizohet me listat e Lulit si ne 13 qershor 2021. Se katerti Z.Berisha po vazhdon te flas dhe te jap konferenca shtypi si te jete defakto kryetar i PDSH, ndërkohë qe ai akoma është një nga 250 anëtaret e këshillit, kjo sjellje komprometon gjithë procesin zgjedhor pas 11 dhjetorit. Se pesti duhet shkarkuar komisioni me kryetare Alban Vokshin, një shembull i zi i mapiulimit te votave ne disa procese zgjedhore dhe te zgjidhet një komision me njerëz me integritet të provuar”, tha ai.
Në përfundim, Elezi shprehet se revanshe të tilla i shërbejnë shkatërrimit te PD dhe mbajtjes në pushtet të sistemit ologarko-mafioz të Ramës.
