Sot është afati i fundit, kur demokratët mund të regjistrohen si kandidatë për kreun e Partisë Demokratike.
Deri tani janë të regjistruar 4 kandidatë, Lulzim Basha, Eduard Selami, Erion Piciri edhe ish-nënkryetari Astrit Patozi, ka shprehur vullnetin për të marrë pjesë por ai ka vendosur disa kushte që gara të konsiderohet e barabartë dhe e ndershme.
Një nga kushtet është dorëheqja e Lulzim Bashës dhe anulimi i vendimit për shpalljen e garës, që për Patozin do të ishte e preferueshme në nëntor.
Patozi kërkoi mbledhjen e kryesisë për vendimmarrjen për garën, por deri tani askush nuk e ka thirrur mbledhjen e këtij forumi. Sipas burimeve pranë dy nënkryetarëve një mbledhje kryesie është parashikuar për në fillim të javës për të përmbushur kërkesën e statutit për ngritjen e Komisionit që do të bëjë administrimin e zgjedhjeve në parti.
