Kryetari i Partisë Demokratike, Lulzim Basha ka votuar sot pasdite për zgjedhjet e brendshme në PD tek zyrat e partisë të degës nr 8. tek Gjimnazi Partizani.
Pas votimit, Basha tha për mediat se ishte i kënaqur me numrin e votuesve demokratë anë e mbanë vendit dhe tha se opozita do të jetë gati për të luftuar kundër krimit në politikë.
Kreu i PD u shpreh se partia e tij do të ofrojë një model të ri qeverisjeje, atë të vlerave dhe konnkurrencës së lirë.
“Sic e shikoni shiu nuk i ka ndaluar qindra demokratë të mos votojnë për zgjedhjen në këtë degë. Me parimin 1 anëtar 1 votë po zgjidhen kryetarët e degëve të partisë. Kjo i hap rrugë Kuvendit Kombëtar të PD, dhe mbarë opozitën për betejën e madhe që na pret për luftën pa kompromis kundër krimit në politikë, dhe ofrimit të një modeli të ri, të vlerave, të konkurrencës së lirë që t’i çlirojmë shqiptarët nga krimi e droga,” tha Basha.
