Kryeministrja britanike, Theresa May shprehu sot keqardhje për rezultatet shumë zhgënjyese për Partinë e saj Konservatore në zgjedhjet europiane, që u rendit në vendin e pestë me rreth 9% të votave, duke rënë shumë më poshtë se partia Brexit e eurofobit Nigel Farage, rreth 32%.
“Ishte një mbrëmje shumë zhgënjyese për konservatorët. Deputetë ekselentë europianë humbën postet, kandidatë të mrekullueshëm u mundën. Kjo tregon rëndësinë e arritjes së një marrëveshjeje për Brexit. Unë sinqerisht shpresoj që këto rezultate të jenë në epiqendër të debateve në Parlament’’, deklaroi Theresa May në një postim në Twitter.
