Kryeministri i Kosovës, Isa Mustafa ka konfirmuar se nuk do të jetë më kandidat i LDK-së për kryeministër të vendit.
Në një takim me strukturat e partisë së tij, Mustafa tha se në bisedën me bashkëpunëtorët e ngushtë kemi vendosur që në mandatin e ardhshëm të kemi një Kryeministër tjetër., sepse ne duhet të hapim rrugë në LDK për emra të rinj.
Mustafa nuk ka dhënë emra se cilët do ta pasojnë në garën për kreun e qeverisë. Mustafa ka thënë se do të ulet me strukturat e partisë për të vendosur cili do të jetë Kryeministër i ardhshëm i Kosovës nga LDK-ja.
