Komisioni i Rithemelimit ka zhvilluar zgjedhjet për kryetar të degës të Partisë Demokratike edhe në tre qytete, në Fier, Selenicë dhe Fushë Krujë. Gjithashtu është mbyllur edhe procesi i numërimit si dhe janë shpallur fituesit. Në degën e Selenicës, fitues është shpallur kandidati Leonard Rakipaj në Selenicë, Rakipaj mori 203 vota, kundrejt Gazmir Beqaj i cili mori 63 vota.
Ndërsa në degën e Partisë Demokratike në Fushë Krujë, Fitues është shpallur, kreu aktual i PD-së, Agron Loka, i cili ka marrë 408 vota. Ndërsa nga ana tjerët, rivali i tij, Aqif Mesi ka marrë 24 vota. 8 votat e tjera janë shpallur të pavlefshme. Edhe në degën e Fierit është mbyllur procesi i numërimit dhe fitues është shpallur Rrapi Gjika, i cili ka marrë 452 vota, ndërsa rivali i tij në garë, Vladimir Kajolli mori 344 vota ndërkohë që 8 vota dolën të pavlefshme. Në total votuan 804 anëtare të Partisë Demokratike.
Procesi nisi në orën 09.00 dhe u mbyll në orën 18:00. Kryetari i ri i degës u zgjodh në bazë të parimit një anëtar një votë, e para herë që aplikohet një gjë e tillë për zgjedhjen e kreut të kësaj force politike.
