Komisioni Qendror i Zgjedhjeve ka nisur sot numërimin e 10% të kutive të votimit të zgjedhjeve të 25 prillit.
Bëhet me dije se në total, janë 519 kuti votimi që do të hapen dhe rivlerësohen. Sipas, KQZ kjo është një procedurë normale që bëhet për të kuptuar nëse ka pasur parregullsi gjatë zgjedhjeve.
Në zgjedhjet e 25 prillit u shpall fituese Partia Socialiste me 74 mandate, 59 mandate siguroi Partia Demokratike, 4 Lëvizja Socialiste për Integrim dhe 3 Partia Social Demokrate.
Sakaq, opozita i ka cilësuar këto zgjedhje si masakër zgjedhore.
