Kryetari i KQZ, Denar Biba është shprehur se ndihet në pozicion shumë të vështirë. I ftuar në emisionin Tonight Ilva Tare, Biba tha se KQZ ka nisur përgatitjet për zgjedhjet e 18 qershorit.
“KQZ është në një pozicion të vështirë. Nuk kemi shumë rrugë, ose të bëjmë zgjedhjet në 18 qershor, kutitë të çelen. Nga ana tjetër, ana morale, si mund të ketë zgjeshje pa opozitën? Opozita nuk mund të emërohet nga KQZ, se kush do jetë opozita e rradhës. Do ketë votime por nuk do ketë zgjedhje, nuk do ketë shumë për të zgjedhur. KQZ do bëjë çdo gjë që në 18 qershor të ketë proçes. Nëse do ketë pjesmarrje të konsideruar do të thotë që qytetarët e kanë dashur këtë proçes përtej çdo loje politike”, tha Biba.
Për shtyrje zgjedhjesh, Biba tha se zgjedhjet janë lënë me 18 qershor, mbetet për ta shtyrë deri në 30 qershor. E vetmja mënyrë për ti shtyrë është ndryshimi i këtij ligji në parlament, kërkon 84 vota. Aktualisht nuk mund të ketë shtyrje nëse nuk ndryshohet ligji.
“PD dhe PR nuk kanë sjellë kandidaturat e tyre për komisionerë, gjë që detyroi KQZ të ftonte qytetarët për tu bërë anëtarë të KZAZ, përgjigjia ka qenë fenomale, na duhen 90 komisionerë kemi pasur përgjigje për mbi 200 qytetarë. Me patjetër kërkohet të jenë me arsim universitar, shumë prej tyre juristë. Sot do kishim bërë miratimin e tyre sikur tre kolegë të mi të mos kishin kërkuar shtyrjen e mbledhjes së sotme për ti verifikuar ata më tej, ashtu e vlerësuan dhe unë pozitivisht iu atashova asaj tresheje. Kërkuan të verifikokjnë anëshmërinë politike të tyre. Të hënën me patjetër do miratohen KZAZ. Përfaqësues të PS dhe qytetarë të angazhuar. Më datën 18 do të ketë proces”, u shpreh Biba.
