Kryeprokurori Adriatik Llalla ka deklaruar se janë marrë masat e nevojshme me qëllim mbarëvajtjen e procesit zgjedhor.
LLalla shprehet se ka lëshuar një udhëzim për prokuroritë lokale si dhe janë krijuar dhe strukturat e posaçme si dhe ato në gadishmëri që do të funksionojnë nga sot deri të hënën.
Nesër, në datë 25 qershor, në gjithë territorin e Republikës do të zhvillohen zgjedhjet për Kuvendin e Shqipërisë.
Në këto zgjedhje marrin pjesë 18 parti politike, të cilat kanë regjistruar 2666 kandidatë për deputetë. Kanë të drejtën e votës, 3 milion e 452 mijë e 260 shqiptarë të cilët janë të regjistruar për të votuar në 5.362 qendra votimi.
Në listën e zgjedhësve përqindja e femrave është 49,49%, ndërkohë që kandidate femra janë 1.073 ose e thënë ndryshe 40,23%.
Zgjedhjet parlamentare do të vëzhgohen nga 5351, nga të cilët 896 janë nga misionet vëzhguese ndërkombëtare.
