Pas vdekjes së Abu Bekir Al-Bagdadit, mediat ndërkombëtare njoftuan se një tjetër person ka marrë drejtimin e ISIS.
Bëhet fjalë për Abdullah Qardash, një ish-oficer i Saddam Hussein i njohur si “shkatërruesi”.
Por në një postim në Twitter, presidenti i SHBA Donald Trump konfirmoi pak më parë se edhe lideri i ri është vrarë nga trupa ushtarake amerikane.
“Sapo konfirmova që zëvendësuesi i parë i Abu Bakr al-Bagdadi është ekzekutuar nga trupat amerikane. Me shumë mundësi do të kishte marrë kryesimin – Tani ai është gjithashtu i vdekur!”, shkruajti Trump.
Qardash njihej si njeri Besnik i Bagdadit, ndërsa mediat e përshkruajnë si mizor dhe autoritar që ka urdhëruar vrasjen, varjen apo hedhjen e homoseksualëve nga pallatet e larta, ndërsa mes anëtarëve të ISIS ishte një njeri i respektuar.
