Virologia kineze Li-Meng Yan disa ditë më parë deklaroi se kishte prova se koronavirusi ishte krijuar nga njeriu në një laborator në Wuhan.
Por facebook dhe gjigantë të tjerë të teknologjisë kanë censuruar intervitën e virologes, me lajmin që bëhet i ditur nga moderatori i Fox News, Tucker Carlson.
“Brenda disa orësh nga intervista e saj natën e kaluar,” tha Carlson, “një pjesë e videos arriti 1.3 milionë shikime në facebook”.
“Pandemia ka prekur jetën e çdo amerikani. Dhe me të drejtë, njerëzit duan të dinë origjinën e tij. Por Facebook mesa duket nuk dëshiron që ju ta dini këtë gjë. Kështu që facebook censuroi videon, me sa duket në emër të qeverisë kineze.
Instagrami, i cili është pjesë facebook gjithashtu bëri të njëjtën gjë. Tëitter pezulloi tërësisht llogarinë e virologes Yan dhe nuk dha asnjë arsye pse”, shtoi Carlson.
“Ata besojnë në censurë. Censura nuk na bën më të zgjuar. Nuk na bën më të informuar. Nëse do të ndodhte, ne do të flisnim rusisht tani, Bashkimi Sovjetik do të drejtonte botën. Do të kishte funksionuar. Por në vend të kësaj Bashkimi Sovjetik është zhdukur. Ai u shemb nën peshën e absurditeteve të veta – absurditete të shkaktuara nga censura. Dhe ky është mësimi më themelor i diktaturave. Çdo gjë e ndërtuar mbi gënjeshtra zhduket me kalimin e kohës”, përfundoi fjalën e tij ai.
