Vetë vendasit e kanë etiketuar si “Zvicra shqiptare”. Ndodhet në afërsi të fshatit Lenie (Shën e premte) në lartësitë e malit të Valamarës.
Në këtë vend kombinohen të gjitha: klima e përsosur (veçanërisht gjatë këtyre ditëve të nxehta), ajri i pastër, uji i ftohtë, ushqimi bio dhe mikpritja e njohur gramshiote.
Gjithashtu në afërsi të këtij vendi ndodhen edhe liqenet akullnajorë të cilat shërbejnë për terapi të sëmundjeve të ndryshme të organizmit.
Gjatë këtyre ditëve në Lenie kanë vërshuar qindra vizitorë të cilët kanë ngritur kampingjet në këtë vend duke vendosur çadrat. Problem mbetet infrastruktura rrugore.
Gramshi sapo ka nisur të zbulojë perlat e tij./Infoelbasani.al
