Zbulohet skandali i madh i kompanisë “Gjoka konstruksion” fituese e tenderit për Rrugën e Arbrit.
Pas inspektimit dhe verifikimeve nga Autoriteti Rrugor Shqiptar (ARRSH) është zbuluar se “Gjoka konstruksion” ka marrë para ndërkohë ka lënë punë përgjysmë.
Mësohet se kompania “Gjoka Konstruksion” është akuzuar se ka dorëzuar dokumenta dhe informacione të rreme. Ndërkohë sipas raportit të Autoritetit Rrugor, asnjë nga tunelet e Rrugës së Arbrit nuk ka përfunduar ende.
“Gjoka konstruksion” ka marrë me koncesion ndërtimin e “Rrugës së Arbrit’” për 225 milionë euro. Kompania duhet të sigurojë paratë, të ndërtojë rrugën dhe më pas shteti e paguan, por në pamundësi për të gjetur pagesat ka falsifikuar dokumentet dhe ka marrë gati 70 miliardë lekë nga thesari i shtetit për punë të pa përfunduara.
Sipas ligjit, në çdo rast kur vërehen paraqitje të të dhënave të rreme është detyrim taksativ i autoritetit kontraktor të skualifikojë operatorin që i ka paraqitur ato të dhëna dhe të nisë procedurën e përjashtimit nga pjesëmarrja në prokurimet publike’, shkruhet ndër të tjera në raport.
