Një njohës i artit, pretendon se e ka identifikuar piktorin holandez, Vincent Van Gogh, në mesin e 34 burrave që kishin pozuar para kamerës më 1888.
Deri më tani, të vetmet pamje të fytyrës së tij si i rritur, janë ato që i ka pikturuar vet, sepse ai turpërohej shumë të dilte para kamerës dhe të fotografohej.
Të gjitha fotografitë tjera të Van Goghut, ishin kur ai ishte fëmijë apo adoleshent, transmeton Telegrafi.
Antonio De Robertis, që ka bërë hulumtime të mëdha rreth Van Goghut, beson se ka gjetur ngjashmëri të mëdha mes burrit në fotografi dhe autoportreteve të piktorit.
The Independent raporton se ngjashmëritë mes burrit në fotografi dhe piktorit të Impresionizmit, janë shumë të mëdha, duke dhënë shenja se është gjetur fotografia e tij e vërtetë.
/telegrafi.com/
