Zbulohen detaje të reja në lidhje me skandalin e publikuar ditën e djeshme për përdhunimin e një 18 vjeçari me aftësi të kufizuara në qytetin e Elbasanit.
Dyshohet se autori i përdhunimit të jetë shtetasi Altin Hida 42-vjeç, i martuar dhe baba i dy fëmijëve.
Hida punon si shitës ambulant 20 metra larg Komisariatit të Policisë Elbasan. Ky i fundit i ka kërkuar 18-vjeçarit që ta ndihmojë deri në banesën e tij. Ai e ka shoqëruar 42-vjeçarin deri në banesë ku dhe ka rënë pre e abuzimit seksual.
Policia është vënë në dijeni të kësaj ngjarje një ditë më pas dhe pasi ka marrë dëshminë e Hidës e ka lënë të lirë. Në banesën e 18-vjeçarit ka shkuar edhe bashkëshortja e Hidës e cila ka kërkuar që kjo histori të mbyllet pasi ky i fundit mund të vriste veten për shkak të gjendjes së rënduar psikologjike.
Denoncimi në policinë e Elbasanit është bërë nga familja, por ekspertiza ka rrëzuar pretendimet. Familjarët e 18-vjeçarit e kanë dërguar atë në Tiranë duke kundërshtuar raportin paraprak ligjor.
Policia thekson se nën drejtimin e Prokurorisë po kryhen të gjitha veprimet ligjore për dokumentin e kësaj vepre penale, por për arsye hetimore nuk bëhen me dije të dhëna të tjera.
