Koronavirusi ka qenë në Shqipëri që në janar! Fakte të pakundërshtueshme janë imazhet radiologjike që ofron dr. Renato Osmani dhe një përmbledhje e qartë dhe e drejtpërdrejtë e dr. Gëzim Xhepa.
Kam patur këtë dyshim, nisur nga fakti që kam parë dhe vizituar shumë pacientë me temperaturë rezistente, dhimbje trupi e vështirësi në frymëmarrje frikshëm më shumë se çdo vit tjetër pikërisht në periudhën mes janari – fund shkurti.
“Prindërit e mi në fund të janarit kaluan një gjendje virale të tmerrshme, e cila më bëri të ndjehesha të pafuqishmme para asaj kolle të frikshme që dëgjoja nga telefoni. Jam e bindur që kush më lexon, me siguri do sjellë ndërmend një rast të ngjashëm nga familja e vet me të njëjtat ankesa. Pyetja që kam vjen natyrshëm: Sa ka parandaluar karantinimi përhapjen, pas 1 muaj e gjysëm fluturimi në gjendje të lirë të SARS COV 2 dhe a ka me sens vazhdimi i tij?”.
Ky dëshmi, ashtu siç thotë edhe dr. Gëzim Xhepa, duhet t’i bëjë më guximtarë epidemiologët e Task Force në vendimet e ardhshme.
Testimi serologjik i këtyre pacientëve të raportuar në mes janari, do kishte sens tani pas 3 muajsh, por kjo, në qoftë se vërtetë ky virus lë imunitet, gjë që ende nuk është saktësuar unanimisht në studimet e deritanishme. Deri tani fakt i pakundërshtueshëm shkencor ngelen këto imazhe dhe ato ulerijnë: Nuk e dijmë kush është pacienti zero, por COVID-i ka qenë mes nesh që në janar!
https://www.facebook.com/gezim.xhepa/videos/pcb.1312668118927518/1312666782260985/?type=3&theater
