Një ngjarje e rëndë ka ndodhur sot në fshatin Qukës të Librazhdit, ku një 18 vjeçar i ka dhënë fund jetës duke u hedhur nga lartësia e Urës së Bishtricës.
Mësohet se i riu që u hodh nga ura është identifikuar si Fation Feci në vitin e tretë në gjimnazin e Qukësit.
Një nga miqtë e viktimës tha se i riu ishte një djalë normal dhe nuk kishte shfaqur shenja se mund të ndërmerrte aktin e tillë.
Bëhet me dije se nëna e Fatjonit i kishte rrëfyer mësueses se i biri ditët e fundit kishte qenë i mbyllur në vetvete, nuk fliste shumë dhe për këtë ajo i kishte kërkuar asaj që të kujdesej pak më tepër për të birin. Nga ana e saj mësuesja thotë se nuk ka vënë re ndonjë shqetësim tek 18 vjeçari.
Paraprakisht hetuesit nuk kanë gjetur shenja dhune në trupin e të riut, ndërsa vijojnë hetimet për zbardhjen e plotë të shkaqeve që e detyruar të riun të ndërmarrë këtë akt fatal për jetën.
