Elvis Roshi ka dhënë dje dorëheqje, nga posti i kryetarit të Bashkisë Kavajë. Ish-kryebashkiaku i Kavajës ishte një ndër më të akuzuarit nga opozita për të shkuarën e tij kriminale.
Dhunë dhe përdhunim në grup, është akuza e rëndë për të cilën është dënuar ish-kryebashkiaku i Kavajës, Elvis Roshi. Opinion.al ka publikuar sot dosjen e penale të Elvis Roshit, vendimi për të cilin është dhënë më 13 nëntor 1992 nga një gjykatë e shkallës së parë në Itali. Asokohe Rroshi ishte vetëm 16 vjeç.
Në dokumentin e ministrisë italiane të Drejtësisë, theksohet se: “Gjykata e Apelit për minorenët, më datë 28 shkurt 1995 lë në fuqi vendimin e dhënë më 13 nëntor 1992 nga trupi gjykues i Shkallës së Parë: 1. Dhunë njerëzore, 2. Rrahje, 3. Për përsëritje të vazhdueshme të veprave penale. Jepet dënimi me 1 vit e 4 muaj”.
Në dëshminë e penalitetit të lëshuar nga Ministria italiane e Drejtësisë sqarohet se Rroshi ka qenë i dënuar nga Gjykata e Campobasos për minorenët, për dy krime të kryera më 18 korrik të vitit 1992, kur ai ishte në moshën 16-vjeçare. Elvis Roshi ka dhënë dje dorëheqje, nga posti i kryetarit të Bashkisë Kavajë. Ish-kryebashkiaku i Kavajës ishte një ndër më të akuzuarit nga opozita për të shkuarën e tij kriminale.
