Prokuroria ka rimarrë në pyetje Rexhep Rrajën me 29 shtator. Ky i fundit ka mohuar të ketë ushtruar dhunë ndaj vajzës, por ka deklaruar se e gjitha ishte hakmarje e Xhisieles.
Më 29 shtator ripyetet Rexhep Rraja: E bëri për hakmarrje
“I pyetur lidhur me faktin penal i hetuari është shprehur se gjthçka është produkt i një sajese të ish-të dashurës së tij, shtetases Xhisiela Maloku, me qëllim që të hakmerret për lidhjen e saj të dashurisë” mësohet të ketë thënë Rexhep Rraja, citohet në dokument.
Po kështu dokumenti vijon: “I ripyetur më datë 29.09.2018 i hetuari parashtron në mënyrë eksplicite se: “Deklaroj që nuk kam ushtruar aspak dhunë ndaj saj. Përsa i përket ditës që pretendon se unë e kam takuar, jemi takuar miqësisht dhe nuk kam pas asnjë lloj mardhënie me të. Gjithashtu deklaroj se unë nuk mbaj armë zjarri dhe s’kam… Me shtetasen Xhisiela Maloku jam njohur para disa vitesh, nuk e mbaj mend saktësisht dhe para një viti e gjysmë i kam shkëputur marrëdhëniet me të.”
Deshmia e Rexhepit: S’kam lidhje me dhunën ndaj Xhisielës
“Nuk është e vërtetë që unë ta kem telefonuar me numra të tjerë telefoni, por kam biseduar me Xhisielën dhe me numra të tjerë të të afërmve të mi, pasi ajo merrte vetë dhe kërkonte që të dilja unë në telefon. Ndërsa me datë 21.07.2018 unë nuk e kam telefonuar shtetasen Xhisiela. Pasi u njoha me aktin e ekspertimit mjeko-ligjor dua të them se unë nuk kam lidhje fare me këto dëmtime dhe nuk di se ku mund t’i ketë marrë ato”.
http://www.oranews.tv/article/zbardhet-deshmia-e-rexhepit-xhisiela-u-hakmorr-se-kam-rrahur-une
