Janë zbardhur të tjera detaje mbi vrasjen e vëllezërve Bilali, ngjarje e ndodhur një muaj më parë në Shkodër.
Polici arrestoi shtetasit Arsen Stojkun dhe Mislim Rama, si bashkëpunëtor në vrasjen e vëllezërve, por këta dy shtetas kanë mohuar të kenë marrë pjesë në vrasje edhe pse mbi ta rëndojnë akuzat “vrasje me paramendim e kryer në bashkëpunim” ndërsa në kërkim ndodhet shtetasi Ibrahim Lici, i dyshuar si autor kryesor në vrasje dhe shtetasi D.B i dyshuar për “përkrahje të autorit”.
Por prokuroria e Shkodrës kanë dyshime se Stojku dhe Rama kanë lyer me bojë makinën që është përdorur në vrasjen e Ibrahim dhe Astrit Bilalit.
Po sipas prokurorisë në furgonin që u gjend i djegur në lagjen e Kiras menjëherë pas atentatit janë gjendur gjurmë të gishtave të Stojkut dhe Ramës.
Këta dy shtetas thuhet se janë të afërm të personit në kërkim Ibrahim Lici, por këtij të fundit nuk i janë gjendur gjurmë në furgonin që u dogj. Por nga përgjimet ambientale të kryera dyshohet se Lici është personi kryesor në vrasjen e dy vëllezërve Bilali.
Vazhdon shpërndarja e ndihmave për 6500 familje në nevojë gjatë Ramazanit
Komuniteti Mysliman i Shqipërisë, në bashkëpunim me Qendrën Bamirëse dhe Humanitare “Mbreti Selman” dhe me koordinimin e Ambasadës së Mbretërisë së Arabisë Saudite...
