Kyeministri i dorëhequr i Maqedonisë së Veriut, Zoran Zaev ka thirrur në një takim sot pasdite koalicionin qeverisës.
Kjo mbledhje e Zaev vjen pasi mbrëmë vonë ai dha dorëheqjen si kryeministër dhe kryetar i LSDM-së, duke marrë përgjegjësinë për rezultatin e zgjedhjeve lokale, në të cilat partia në pushtet humbi shumicën e komunave në vendin ku kishte kryetarët e saj dhe shumicën në këshillat e katër vitet e fundit, duke përfshirë qytetin e Shkupit dhe pothuajse të gjitha komunat e Shkupit.
Ende nuk dihet se kur Zaev do ta dorëzojë zyrtarisht kërkesën në Kuvend, ku më pas e gjithë qeveria e tij, e cila u zgjodh në fund të gushtit të vitit të kaluar, do të japë dorëheqje deri në zgjedhjen e një kryeministri tjetër dhe një qeverie të re.
