Ambasadorja Yuri Kim ka zhvilluar një takim me kryetaren e Kuvendit, Lindita Nikolla dhe deputetin demokrat Agron Gjekmarkaj.
Në fjalën e saj para gazetarëve, Kim tha se do të takojë të gjithë ata drejtues politikë që janë zgjedhur në mënyrë legjitime. Më tej, ambasadorja e SHBA-ve theksoi rolin e figurave politike në ruajtjen e demokracisë.
“U takova me Nikollën dhe Gjekmarkaj. Si pjesë e traditës si unë dhe pararendësit e mi jemi takuar në fillim të çdo sesioni, është e rëndësishme që të angazhohemi për rregullat, ligjet dhe forcimin e institucioneve demokratike.
Do takohemi me ata drejtues që janë të zgjedhur në mënyrë legjitime dhe që gjithashtu kanë rol legjitim për të luajtur në ruajtjen e demokracisë.”-tha Yuri Kim.
