Destiny Udogie, një futbollist i Tottenhamit i huazuar te Udinese, humbi kontrollin e makinës së tij dhe e përplasi atë në mjediset e një lokali në Udine në orën tre të mëngjesit.
Mbrojtësi 20-vjeçar, për të cilin Tottenham pagoi më shumë se 16 milionë euro, përplasi automjetin e tij Mercedes, duke i shkaktuar dëme materiale lokalit, që mund të kalonte 3000 euro.
“Duket se këtu ka shpërthyer një bombë ”,- deklaroi pronari i lokalit që shkatërroi Udogie me makinën e tij.
Nga aksidenti nuk ka pasur të dëmtuar, por policia ka kryer testit alkoolit për Destiny Udogie, i cili është stërvitur normal të nesërmen e aksidentit.
Udinese raportoi, se “lidhur me lajmin e aksidentit që përfshiu Destiny Udogien duke drejtuar makinën e tij, bën me dije se lojtari nuk ka pësuar asnjë lëndim dhe është stërvitur rregullisht me ekipin. Udogie, për më tepër, siç përcaktohet nga rregullorja, do të penalizohet sipas masës së parashikuar”.
