Xhamia e Namazgjase, pranë rrugës se Elbasanit, është drejt përfundimit të punimeve. Gjatë inspektimit te punimeve kreu i bashkisë, Veliaj vlerësoi ndërtuesit per ritmin e jashtëzakonshëm te punimeve qe është kryer ne xhami. Erion Veliaj tha se Bajramin e ardhshëm falja do të bëhet nga Xhamia e Namazgjase.
“U jam shumë mirënjohës inxhinierëve, punëtorëve, supervizorëve, kontraktorëve që kanë ecur me ritme të jashtëzakonshme dhe mezi pres që Bajramin tjetër të kemi një xhami të re dhe më në fund të gjithë besimtarët e Tiranës të kenë shtëpinë e tyre dinjitoze, të bollshme dhe një stoli për qytetin tonë. Bashkia po përfundon parkingun te “7 Xhuxhat”, ndërkohë tashmë ka përfunduar parkingu i Xhamisë së Namazgjasë. Pra, ka dobi edhe për qytetin sepse përtej ditës së xhumasë, kur besimtarët janë frekuentuesit kryesorë, kjo hapësirë me vende parkimi do të sqarojë njëherë e mirë trafikun në një nga nyjet më të vështira, si nyja e Rrugës së Elbasanit. Do të hyjmë mandej, në fazën tjetër, ku do të vijojnë kaligrafët dhe punonjësit tjerë artistikë, që pas punës masive industriale, të vijojë puna artistike dhe Bajrami tjetër të na gjejë me xhaminë e Namazgjasë”, tha Veliaj.
