Ministrja e Mirëqënies Sociale, Olta Xhaçka ka deklaruar se përgjatë këtij viti më shumë se 7600 fëmijë romë dhe egjiptianë janë pajisur me tekste mësimore dhe rreth 5000 prej tyre janë regjistruar në shkollë.
Xhaçka tha se 120 mln është buxheti i vënë në dispozicion për ofrimin e shërbimeve dhe arsimin e kësaj katergorie.
“Ofruesit e shërbimeve duhet të jenë të duruar, duhet të kuptojnë nevojat e gjithësecilit, duhet të kuptojnë atë çka familjet duan, nevojat e tyre. Kur sistemi është efektiv dhe ofruesit e shërbimeve janë të vullnetshëm dhe të gatshëm të punojnë sëbashku, atëherë sistemi i përgjigjet nevojave. Ne jemi maksimalisht të përkushtuar që të realizojmë këtë nevojë me standardet më të mira.
Kjo është java e diversitetit dhe mesazhet janë për respeketuar tjetrin pavarësisht ngjyrës së lëkurës. Pavarësisht përpjekjeve të bëra, komuniteti rom dhe egjiptin vijon të vuajë një sërë problematikë siç është edukimi, mungesa e aksesit në sistemin shëndetësor”, tha Xhaçka.
