Kryeministri Mustafa: Vizita e Vuçiç me leje nga Ministria e Jashtme
Sot kryeministri i Serbisë, Aleksandër Vuçiç është për vizitë në Kosovë. Kreu i qeverisë serbe ka qenë në Zubin Potok dhe disa vendeve të tjera me popullsi serbe. Në mëngjes, në kohën që pritej Vuçiç, në Shtëpinë e Kulturës të Zubin Potokut, ku ai do të fliste, kanë ndodhur shpërthime dhe të shtëna me armë zjarri. Mediat serbe kanë njoftuar se kreu i qeverisë së tyre ka deklaruar nga Leposaviçi se shpërthime të tilla nuk e frikësojnë. Ndërkohë në një takim me minatorë te Trepçës kreu i qeverisë serbe ka deklaruar se Serbia është e vendosur për të mos e lëshuar minierën.
Drejtori i Zyrës për Kosovën në Qeverinë e Serbisë, Marko Gjuriç u ka thënë mediave serbe se Vuçiç ka qenë i mirëpritur në Zubin Potok dhe Mitrovicë. Ndërsa, kryeministri Isa Mustafa ka thënë se Vuçia do të vijë në Kosovë me leje të lëshuar nga Ministria e Punëve të Jashtme.
