Një krimi i rëndë ka ndodhur në lagjen “Glifadha” të Athinës, ku një shqiptar është ekzekutuar në një atentat mafioz, në orët e para të mëngjesit të sotëm.
Mësohet se dy persona qëlluan me armë zjarri drejt një lokali nate, në një zonë të banuar në Athinë.
Nga atentati me armë zjarri, një shqiptar gjeti vdekjen, ndërkohë një tjetër mbeti i plagosur. Krahas tyre mbetën të plagosur edhe dy shtetas grekë.
Paraprakisht dyshohet se shkak për krimin është bërë larja e hesapeve.
Ndërkohë dëshmitarë në vendin e ngjarjes, thanë në polici se dëgjuan se autorët u kishin folur viktimave në gjuhën shqipe, duke qëlluar drejt viktimës dhe tre të plagosurve, të cilët ndodheshin në të njëjtën tavolinë.
