Një polic ka mbetur i vrarë me armë zjarri mbrëmjen e djeshme në fshatin Zllatar të Prishtinës. Nga të dhënat e para, dyshohet se polici mund të jetë qëlluar aksidentalisht me armë nga një person.
“Një zyrtar policor, mashkull kosovar, ka vdekur pasi që është qëlluar me armë zjarri aksidentalisht nga i dyshuari mashkull kosovar gjatë një ndeje. Vdekjen e viktimës e ka konstatuar ekipi mjekësor në QKUK. Në vendin e ngjarjes kanë dalë njësitet përkatëse policore. Prokurori i shtetit ka autorizuar IPK-në që të merren të gjitha veprimet lidhur me rastin”, thuhet në njoftimin e Policisë.
Personi i dyshuar si autor është vënë në pranga, ndërsa viktima raportohet të jetë 25 vjeç. Policia tha se po heton lidhur me rastin dhe rrethanat e kësaj ngjarje të rëndë.
